20 lojtarët që kanë shënuar më shumë penallti në këtë shekull
Janë zbuluar 20 lojtarët që kanë shënuar më shumë penallti në këtë shekull në kampionatet kryesore të Europës.
Ylli i Manchester United, Cristiano Ronaldo, kryeson për shumicën e penalltive të shënuara në futbollin e klubeve në shekullin e 21-të, përpara Lionel Messit dhe Zlatan Ibrahimovic. Realizimi i penalltive e ka kthyer pesë herë fituesin e “Topit të Artë” drejt statusit të golashënuesit më të mire.
“PopFoot” përpiloi të dhënat se sa mirë kanë performuar lojtarët nga goditja nga pika e bardhë e penalltisë për klubet e tyre dhe Ronaldo doli në krye.
Ronaldo, që ka shënuar më shumë goditje me kokë se çdo lojtar tjetër këtë shekull, ka shënuar me sukses 128 herë penallti në karrierën e tij të jashtëzakonshme.
Numri i sulmuesit portugez 37-vjeçar nga goditja e pikës së bardhë pritet të jetë shumë më i lartë nëse merren parasysh penalltitë e realizuara për Portugalinë.
Pavarësisht se nuk ishte ekzekutuesi i caktuar i penalltisë nga Manchester United dhe Portugalia, shoku i skuadrës së Ronaldos, Bruno Fernandes, arriti të sigurojë vendin e tij në top 20-she.
Messi përfundoi pas rivalit në fushë, Ronaldos në renditje, me superyllin e Paris Saint-Germain që shënoi 84 herë penallti.
Sulmuesi i Milanit, Ibrahimovic siguroi vendin e tretë me 78 penallti të shënuara, ndërsa legjenda e Romës, Francesco Totti dhe Ciro Immobile dolën respektivisht në vendin e tretë dhe të katërt.
Më poshtë janë 20 lojtarët më të mirë që kanë shënuar më shumë penallti në karrierën e tyre me klubet përkatëse këtë shekull:
- Cristiano Ronaldo (Manchester United): 128
- Lionel Messi (Paris Saint-Germain): 84
- Zlatan Ibrahimovic (AC Milan): 78
- Francesco Totti (në pension): 73
- Ciro Immobile (Lazio): 61
- David Villa (në pension): 60
- Dushan Tadic (Ajax): 58
- Oscar Cardozo (Libertad): 58
- Ronaldinho (në pension): 57
- Robert Lewandowski (Bayern Munich): 53
- Frank Lampard (në pension) 51
- Edinson Cavani (Manchester United): 50
- Ruud van Nistelrooy (në pension): 50
- Neymar (Paris Saint-Germain): 46
- Sergio Aguero (në pension) : 46
- Radamel Falcao (Rayo Vallecano): 44
- Steven Gerrard (në pension): 42
- Wayne Rooney (në pension): 40
- Mark Noble (West Ham United): 40
- Bruno Fernandes (Manchester United): 39
