Katër humbje radhazi, Leedsi pritet të shkarkojë heroin që e ktheu në Premier League
E ardhmja e Marcelo Bielsas si trajner i Leeds United është në rrezik serioz pas humbjes 4-0 ndaj Tottenhamit. Trajneri i njohur argjentinas është nën presion pas një serie të gjatë rezultatesh negative. Megjithatë, disfata e sotme në shtëpi nga Tottenhami e ka bërë edhe më të pasigurt pozicionin e Bielsas.
Drejtuesit e Leedsit kanë nisur prej kohësh të mendojnë për pasuesin e argjentinasit, duke e ditur se 66-vjeçari do të largohej nga “Elland Road” në fund të sezonit.
Tani ata duhet të vendosin nëse duhet ndërhyrje menjëherë, apo duhet pritur përfundimi i kampionatit.
Ish-trajneri i Leipzigut, Jesse Marsch, ka qenë kandidat për stolin e Leedsit për një kohë të gjatë. Megjithatë, ka edhe kandidatë të tjerë të mundshëm, përfshirë ish-trajnerin e Barcelonës, Ernesto Valverde, i cili aktualisht është pa punë dhe ka marrëdhënie të mira me drejtorin e futbollit të Leedsit, Victor Orta.
