74-vjetori i themelimit të Partizanit, klubi i kuq evokon historinë
Si sot 74 vite më parë (04.02.1946) u themelua klubi i futbollit “Partizani”, një emër i madh i sportit shqiptar, që ka shkruar historinë e këtij sporti ndër dekada me trofe të shumtë, duke fituar simpatinë e tifozëve anembanë vendin. Në këtë përvjetor të të kuqve, klubi kryeqytetas ka postuar një klip të shkurtër duke evokuar sukseset që ka arritur kjo skuadër në 74 vite histori.
Postimi i Partizanit:
“74 Vite Histori , Pasion, Krenari. Dekada të mbushura me Triumfe dhe Lavdi. 4 Shkurt 1946 data e krijimit të klubit Legjendar, protagonist absolut në futbollin shqiptar.
🏆16 Tituj Kampion
🏆15 Kupa të Shqipërisë
🏆 3 SuperKupa të Shqipërisë
🏆 1 Kupë Ballkanike
Titulli “Nderi Kombit”
Titulli “Legjenda Futbollit Shqiptar”
Këto dhe shumë trofe të tjerë e konfirmojnë FK PARTIZANI, një prej Klubeve emblemë të futbollit shqiptar dhe ndërkombëtar. Skuadra Legjendë me tifozerinë më të madhe në të gjithë vendin.”
