Halili: Presim vetëm një qendërmbrojtës
Rauf Alijev, sulmues i Kombëtares së Azerbajxhanit, i mirëpaguar dhe që premton shumë, Elis Bakajn të gjithë e njohin, ska nevojë për shumë komente, Sindrit Guri që është gati të shpërthejë ndërkohë që presin dhe Izair Eminin. Sulmi i Kukësit 2017-2018 është vërtet i frikshëm me menaxherin Naim Halili që paralajmëron se për sa i përket repartit në fjalë merkatoja është e mbyllur, e gjitha madje, me Kukësin që pret vetëm një qendërmbrojtës.
Një temë dite është dhe ajo e Albi Allës, sipas menaxherit të Kukësit edhe telenovela e mbrojtësit do të ketë një “happy end”, me futbollistin që pritet t’i bashkohet verilindorëve.
Reduktohen në këtë mënyrë një e nga një të gjitha cështjet e lindura gjatë kësaj vere pas atyre të Enea Kolicit dhe Nijaz Lenës, arsyeja sipas menaxherit Halili është e thjesht, kontrata të blinduara juridikisht sipas të gjitha normave.
Merkatoja cilësore kërkon edhe para, me drejtuesin e klubit verilindor që konfirmon, Gjici pas titullit kampion ka zgjidhur qesen pasi ka një qitje më të largët, objektivi janë grupet e kompeticioneve europiane.
