Pse lojtarët luajtën me një shenjë të kuqe në fytyrë…
nga
Postuar ne
Seria A ngriti siparin e javës së 34-t sot me sfidën mes Spalit dhe Romës, që u fitua me rezultatin 0-3 nga verdhekuqtë, të cilët hodhën një tjetër hap drejt sigurimit të një vendi në zonën Champions.
Gjithsesi, ajo që ra më shumë në sy dhe habiti të gjithë, ishte se të gjithë lojtarët dhe arbitrat e sfidës, kishin një shenjë me ngjyrë të kuqe në faqe.
Mediat italiane raportojnë se ky ishte një vendim i marrë nga shoqata e futbollistëve dhe ajo e trajnerëve në Itali, në mbështetje të fushatës kundër dhunës ndaj grave.
Ndërkohë, edhe në dy sfidat e tjera të ditës së sotme, Sassuolo-Fiorentina dhe Milan-Benevento, futbollistët dhe arbitrat do të kenë shënjën e kuqe në fytyrë.
