Befason Polonia, lë thatë De Biasin!
Befason Polonia. Trajneri i ri i Kombëtares do të jetë Jerzy Brzeczek, që parakalon në finish Gianni De Biasin. Siç bëjnë të ditur mediat italiane ish trajneri i kombëtares shqiptare kishte folur disa herë me Zibi Boniek, presidentin e Federatës polake të futbollit dhe dukej vetëm një hap larg akordit zyrtar. Në mënyrë surprizuese federata në Varshavë lajmëroi se trashëgiminë e Adam Nawalka, trajnerit të Polonisë zhgënjyese në Rusi 2018 do ta marrë 47-vjeçari Jerzy Brzeczek, ish mesfushor dhe kapiten i Polonisë që fitoi medaljen e argjendtë në Olimpiadën e Barcelona 1992-të. Si trajner deri më tani ka drejtuar Rakow Czestochova, Lechia Danzica, Gks Katowice dhe Wisla Plock. Për sa i përket motiveve të zgjedhjes ndoshta kanë prevaluar motivet nacionale për një trajner polak, ose ndoshta Boniek thjesht ka dashur të luajë në disa tavolina njëherazi, por e sigurtë për mediat italiane është që De Biasi ka mbetur i pakënaqur. Brzeczek ka dhe një të vecantë, është daja i Jakub Blazcczykovski, mesfushorit polak të Wolfsburgut. Polonia do të përballet me Italinë në Bolonjë në 7 shtator në ndeshjen e raundit të parë të Nations League, ndërsa Brzeczek do të prezantohet në 23 korrik në stadiumin kombëtar të Varshavës.
