Shkëmbi merr përgjegjësitë: Gabova unë!
Bledi Shkëmbi mban përgjegjësitë për humbjen e parë sezonale të Teutës atë ndaj Kukësit në Niko Dovana. Në intervistën për Supersport, trajneri durrsakëve nënvizon se gaboi ai.
Jeni i kënaqur me lojën?
Dua të falenderoj futbollistët që dhanë maksimumin. Te pjesa e dytë kemi pasur raste për të barazuar rezultatin. E filluam keq lojën. 20-25 minutat e para ishit të dobëta për ne
Ndryshimet në formacion…
Mendoj që ndoshta është edhe përgjegjësia ime. U mendova të ndryshoj në rreshtim edhe emër. Ekipi nuk funksionoi ashtu siç e mendova unë. Pashë që në rreshtimin normal ekipi u përgjigj më mirë. Kjo ka qenë arsyeja që është dhe përgjegjësia ime.
Të erdhi keq për mënyrën si e pësuat golin?
Më shumë më mërziti mënyra si e nisëm lojën. Pastaj goli nuk diskutohet, gjithmonë mërzitesh. Ndodh ndonjëherë që nga neglizhenca dhe mos përqendrimi arrin të pësosh. Merituam të humbnim si e nisëm lojën 30 minutat e para.
Keni guxuar më shumë se duhet në aktivizimin e lojtarëve sulmues… Duhet të ishit më të ekuilibruar…
Edhe vetë e pash që nuk funksionoi ashtu siç e mendova. Dëshira ishte për ta fituar. Futbollistëve iu thashë që është përgjegjësia ime që zgjodha të luaja në atë mënyrë në pjesën e parë.
Pse menduan të ndryshonit?
Mendova të luaja me 2 sulmues, plus Kallakun pas tyre, për shkak se Latif ndihej vetëm në ndeshjet e tjera. Patëm probleme tek të dyja fazat. Ndoshta shpërqendrimi i rreshtimit, kjo ishte arsyeja e dështimit. Nuk mund të them arsye tjetër, futbollistët u munduan. Fati te goli na shpërqendroi. Lojtarët më eksperiencë duhet të na ndihmojnë më shumë në momentet kur vuajmë.
