PSG tenis me Crvena Zvezdën, Neymar merr topin në shtëpi
nga
Postuar ne
Paris Saint Germain ka arritur të marrë fitoren e parë në grupet e Ligës së kampionëve, teksa ka mposhtur me rezultatin tenistik 6-1 skuadrën serbe të Crvena Zvezdës.
Kryeqytetasit francezë nuk e diskutuan për asnjë moment fitoren, teksa mbyllën llogaritë që në pjesën e parë, ku Neymar shënoi dy herë dhe më pas Cavani e Di Maria e çuan rezultatin 4-0.
Në pjesën e dytë shënoi Mbappe golin e pestë, ndërsa Neymar kompletoi tripletën personale vetëm pak minuta pasi Marin kishte shënuar golin e parë për serbët.
Fitore mjaft të rëndësishme mori edhe Schalke 04 në transfertën ruse ndaj Lokomotivës së Moskës, me gjermanët që triumfuan 0-1 falë golit të shënuar nga McKennie në minutën e 88.
