Drama e Naser Alijit, pa skuadër prej babait që e humbi të dielën
Zbulohet arsyeja se përse mbrojtësi i Kombëtares Shqiptare, Naser Aliji është ende pak ekip. Ai, prej disa kohësh është stërvitur me skudrën e ligës së tretë të Zvicrës, FC Baden. Ky është klubi i parë në karrierën e Alijit, është skuadra e qytetit ku është rritur dhe ku familja e tij jeton akoma. Blick.ch, në një hapësirë kushtuar shqiptarit nga Maqedonia, citon futbollistin:
“Pasi më mbaroi kontrata me Virtus Entellan, kisha disa oferta, por vendosa të rikthehem te FC Baden për të qëndruar pranë familjes. Babai im u diagnostikua me kancer dhe vendosa që këto muajt e fundit të jetës së tij t’i qëndroja pranë. Babai, fatkeqësisht ndërroi jetë para 4 ditësh”.
Për shkak të situatës familjare të krijuar, Aliji nuk pranoi asnjë kontratë në Itali, në verë, pavarësisht interesimit të disa klubeve. Për disa javë, mbrojtësi i majtë u stërvit te FC Baden, për të ruajtur një formë të arsyeshme sportive. Qëllimi i tij është një kontratë në Super League, ose e një klub ambicioz në “Challenge League“.
