Marotta sqaron çështjen Nainggolan dhe të ardhmen e mesfushorit
nga
Postuar ne
Në prag të ndeshjes mes Interit dhe Napolit, Administratori i zikaltërve për çështjet sportive, Giuseppe Marotta ka folur për çështjen e ditës në klub, atë të mesfushorit belg Radja Nainggolan, i cili u pezullua për një vonesë në stërvitje.
“Djaloshi ka gabuar dhe bashkë me Spallettin, që është lideri i grupit, vendosëm ta lëmë jashtë ndeshjes me Napolin. Nuk dua të komentoj audiot e publikuara, por gjithsesi mund t’ju siguroj se mesfushori nuk do të largohet në janar, pasi kemi besim te aftësitë e tij dhe presim shumë më tepër. Më vjen mirë që Nainggolan është sonte në stadium, për të ndjekur skuadrën, pavarësisht pezullimit”, deklaroi Marotta.
