Barcelona vlerëson mbrojtësin, i rinovon për 5 vite kontratën
nga
Postuar ne
Jordi Alba gëzon besimin maksimal të trajnerit Ernesto Valverde dhe drejtuesve të Barcelonës, gjë që është demonstruar edhe me rinovimin e kontratës. Kështu klubi katalan ka njoftuar sot se bashkëpunimi me mbrojtësin është zgjatur për 5 vitet e ardhshme, pra deri në vitin 2024.
Futbollisti luan prej vitit 2012 te Barcelona, duke qenë një titullar i padiskutueshëm në formacionin e skuadrës katalane, duke luajtur një rol të rëndësishëm edhe në filozofinë e saj të lojës.
Gjatë thuajse 7 viteve me fanellën e Barcelonës, 29-vjeçari ka luajtur në të gjitha kompeticionet 283 takime, duke shënuar 14 gola dhe asistuar për 55 të tjerë.
