Kean drejt Anglisë, Juventusi vendosë ta shesë
Moise Kean është gjithnjë e më pranë Evertonit për këtë janë të sigurtë edhe bookmakers-at të cilët e kuotojnë kalimin e talentit italian në Goodison Park me koeficientin 1,5. Pas Patrick Cutrones një tjetër sulmues i talentuar është gati të lërë Italinë për Anglinë.
Kean i cili shkëlqeu me bardhezinjtë në fundin e sezonit të kaluar, por në të njëjtën kohë ishte një nga protagonistët negativë të kombëtares italiane në Europianin e 21-vjeçarëve, në orët e ardhshme me përjashtim të ndonjë surprize të mundshme do të transferohet te Evertoni për shumën e 40 milionë eurove.
Në marrëveshjen me klubin nga Liverpooli për Kean, Juventusi dëshiron të përfshijë të drejtën e riblerjes por anglezët nuk e pranojnë diçka të tillë, megjithatë akordi pothuajse është arritur me Juven që do të regjistrojë një plusvalencë të madhe pasi lojtari ka dalë nga akademia bardhezi.
