Memushaj: Sot kemi gabuar, por të shohim përpara
Ledian Memushaj luajti sot me shiritin e kapitenit në krah dhe kërcënoi disa herë portën e Andorrës, por nuk arriti të gjejë golin. Në intervistën e dhënë për “Kuqezi” në Supersport, mesfushori vlonjat pranoi se skuadra gaboi sot.
Një barazim që nuk ishte menduar aspak sot. Çfarë shkoi keq ndaj Andorrës?
Pasi bëmë golin e parë, menduam se gjithçka do ishte e lehtë, ndonëse e dinim që Andorra nuk të lë të bësh lojën që do. Më pas pësuam golin e parë dhe filluam të kishim frikë.
A kishte nënvlerësim sot nga ana e futbollistëve?
Jo, nuk besoj, Të gjithë ishim shumë të përqendruar.
Si shpjegohet që shkaktuam vetëm 6 faulla sot?
Kemi bërë pak faulla, pasi topin e kemi pasur thuajse gjithmonë ne. Kemi gabuar kur merrnin topin ata, por duhet ta lëmë pas krahëve, pasi kemi ndeshje më të rëndësishme.
