E papritur, Andrea Pirlo trajner i Juventusit!
Juventusit befason me emrin që ka përzgjedhur për të zëvendësuar Maurizio Sarrin, i shkarkuar sot nga detyra pas eliminimit të Juventusit nga Lyoni në Champions. Drejtuesit e “Zonjës së Vjetër” ia kanë besuar skuadrën e parë Andrea Pirlos, i cili vetëm pak ditë më parë ishte zyrtarizuar në krye të U-23 të Juves.
Një katapultim i menjëhershëm i 41-vjeçarit, që ende nuk ka dhënë prova për aftësitë e tij si trajner i një ekipi futbolli. Duket si një bast i vënë nga drejtuesit e lartë të Juventusit, që ndoshta besojnë te fryma që mund të përcjellë ish-futbollisti bardhezi në skuadër.
Komunikata e Juventusit:
“Andrea Pirlo do të jetë trajneri i ri i Juventusit. 41-vjeçari, i lindur në Flero, në provincën e Brescias, ka një karrierë legjendare si një futbollist duke fituar gjithçka nga Liga e Kampionëve deri në Kampionatin Botëror në vitin 2006. Në katër vitet e tij në krye të mesfushës së Juventusit, Pirlo ka fituar po aq tituj të Serisë A, një Kupë të Italisë dhe dy Superkupa. Sot, fillon një kapitull i ri në karrierën e tij në botën e futbollit. Ai do të jetë trajner i Juventusit, pasi klubi ka vendosur t’i besojë udhëheqjen teknike të ekipit të parë, pasi e kishte zgjedhur atë për Juventusin U-23.
Vendimi i sotëm bazohet në besimin që kemi se Pirlo ka atë që duhet për të udhëhequr, që që në debutimin e tij në stol, një skuadër ekspertësh dhe të talentuar për të ndjekur suksese të reja. Andrea Pirlo ka firmosur kontratë dyvjeçare deri me 30 qershor 2022.”
