Ronaldo nuk mjafton, Caicedo i heq fitoren nga duart Juves në limite!
Një gol në frymën e fundit i Felipe Caicedos i hoqi fitoren nga duart Juventusit në supersfidën e javës së 7-të ndaj Lazios. Në Olimpico bardhezinjtë kryesuan që në minutën e 15-të me golin e Cristiano Ronaldos pas asitit të Cuadrados madje goditën edhe shtyllën në fundin e fraksionit të parë me yllin portugez, por atëherë kur askush se priste dhe kur skuadra e Pirlos po gjente suksesin e radhës Lazio barazoi gjithçka në minutën e 4-t shtesë dhe të fundit me ekuadorianin Felipe Caicedo që i ardhur në fushë nga stoli në vend të Vedat Muriqit shfrytëzoi asistin e Correas për të evituar humbjen e skuadrës së Simone Inzaghit dhe për t’u dhënë një pikë kryeqytetasve. Një barazim 1-1 që për nga mënyra si shkoi loja kënaqi shumë më tepër Lazion që pavarsisht mungesave arriti të merrte një rezultat pozitiv përballë Juves.
