Kastrioti-Laçi, aty ku rivaliteti ka përmasat e një derbi!
Kastrioti-Laçi ka patur gjithmonë përmasat e një derbi, dy skuadra me jo shumë histori në futbollin shqiptar që synonin te ishin një realitet, Laçi i‘a doli sepse fitoi 2 Kupa dhe 1 Superkupë dhe ka marre pjesë disa here rradhazi në kompeticionet europiane, kurse Kastrioti ende nuk i‘a ka dalë të imitojë si duhet rivalët. Sfida e kësaj të shtune do të jetë shumë e rëndësishme. Krutanët po kalojnë çastin më të vështirë të sezonit. 6 ndeshje pa fitore, dhe vetëm nje sukses në 10 ndeshjet e fundit kanë bërë që Kastrioti të jetë i përfshirë në ethet e play-outit.
Humbja ndaj Partizanit ishte e dyta rradhazi teksa në dy takimet e fundit kjo skuader ka pësuar 6 gola duke shënuar vetëm 1. Lajmi më i mirë për Ndreun është rikthimi i mundshëm i Devid da Silvas. Autori i 9 golave në kampionat mungon nga humbja me Vllazninë më 21 mars dhe kjo sigurisht qe ka ndikuar në ecurinë e ekipit.
Ndërkaq Laçi pas 3 humbjeve në 4 ndeshje ku erdhi edhe eliminimi nga Kupa, i‘a doli të rigjente fitoren kundër Bylisit, 3 pikë që qetësuan pak ujërat tek bardhezinjtë. Diferenca me Teutën kryesuese është 4 pikë dhe hapësira e kurbinasve për të gabuar është ngushëtuar shumë. Trajneri Shpëtim Duro shpreson të ketë në dispozicion Kyrian Nwabuezen që ka munguar për shkak dëmtimi, e njëjta situatë edhe me Mazrekajn. Rikthehet nga pezullimi Regi Lushkja. Laçi ka humbur vetëm 1 nga 10 ndeshjet e fundit të drejtpërdrejta kundër Kastriotit, pikërisht në fazën e dytë dhe do të kerkojë të marrë maksimumin në Kamzë, dhe perballë është një kundërshtar që gjithashtu pretendon vetëm fitoren për të risjellë pak qetësi.
