Orët e fundit të merkatos, Partizani huazon Dean Liçon nga Ascoli
nga
Postuar ne
Në ditën e fundit të merkatos, Partizani nxiton të kompletojë skuadrën në dispozicion të trajnerit Ilir Daja dhe pas firmës me talentin 18-vjeçar Xhafer Hodo, ka sjellë në ekip edhe mesfushorin 21-vjeçar Dean Liço.
Korçari e ka nisur karrierën në ekipet e moshave të Skënderbeut, ndërsa më pas ka luajtur edhe për të rinjtë e Leganes, Sporting e Lazios. Prej verës së kaluar Liço u transferua te Ascoli në Serinë B italiane, ndërsa “të kuqve” u është bashkuar në formë huazimi për një sezon.
Dean Liço ka qenë pjesë edhe e moshave të Kombëtares Shqiptare, pasi ka luajtur me ekipin U17 dhe atë U21, ndërsa te Partizani do të synojë t’i japë një tjetër shtysë karrierës së tij.
