Bilanci/ Shqipëri-Poloni, UEFA nuk njeh të vetmen fitore të kuqezinjve
Shqipëria dhe Polonia janë përballur plot 11 herë me njëra-tjetrën sipas statistikave të UEFA-s dhe bilanci flet dukshëm në favor të miqve, që kanë fituar 8 ndeshje dhe kanë barazuar 3 prej tyre, e padyshim edhe golavarazhi flet në favor të polakëve, që kanë shënuar 18 gola, kundrejt 6 të shënuar nga kuqezinjtë.
Vlen të përmendet se Shqipëria në fakt e ka arritur një sukses ndaj polakëve, pasi ka triumfuar me shifrat 2-0 më 29 nëntor të 1953-shit, falë golave të Loro Boriçit dhe Refik Resmjes, megjithatë kjo miqësore nuk është njohur nga UEFA.
Gjithsesi edhe ndaj Hungarisë kishim një bilanc tejet negativ, të cilin e rregulluam me dy fitore në harkun e një muaji, ndaj shpresojmë që djemtë kuqezi të bëjnë të njëjtën gjë edhe ndaj Polonisë sonte.
