Presidenti i Villarrealit “i bën pritë” Newcastle për trajnerin Emery
Fernando Roig, president i Villarrealit, foli për mikrofonat e Movistar rreth situatës me Unai Emery pas zërave për interesimin e Newcastle. Lideri verdhezi ka konfirmuar se nuk ka të dhëna për ndonjë ofertë serioze për trajnerin e tij.
“Askush nuk më ka pyetur për Emery. Nuk di absolutisht asgjë. Askush nuk na ka thënë ndonjë gjë dhe nuk e di nga vjen ky lajm. Villarreali nuk ka asnjë lloj komunikimi. Unai dhe ne ishim duke bërë llogaritë e Grupit. E përgëzoj për lojën që ka bërë. Nuk e di çdo të na rezervojë e ardhmja. Jemi tri palë në këtë çështje, por unë di që ne jemi të kënaqur me Unain dhe Unai me Villarrealin”, – tha Roig.
Presidenti insistoi gjithashtu se është i kënaqur me punën e Unait:
“Ne kemi një kontratë të nënshkruar dhe mendoj se ai është i kënaqur. Ndryshimi i trajneri nuk do të ishte i mirë apo i shëndetshëm për skuadrën. Unai ka një kontratë të nënshkruar me Villarrealin dhe detyra e tij është të fitojë ndeshjen kundër Getafes. Ai duhet të përmbushë kontratën dhe ne po punojmë për këtë.”
