UEFA gëzon Diego Simeonen, Griezmann mund të luajë kundër Milanit
Atletico Madrid pret Milanin në “Wanda Metropolitana” të mërkurën (24 nëntor), takim i vlefshëm për grupin B të Champions League.
Fitorja është alternativa e vetme për kampionët e Spanjës, teksa Diego Simeone ka marrë një lajm të mirë ditën e sotme.
UEFA ka përgjysmuar pezullimin e Antoine Griezmann, i cili u ndëshkua me karton të kuq në sfidën e javës së tretë ndaj Liverpool.
Sulmuesi francez u dënua me dy ndeshje, njërën e shleu në sfidën e dytë ndaj Liverpool, ndërsa Atletico apeloi vendimin.
UEFA ka dhënë përgjigje pozitive duke falur Griezmann, i cili mund të zbresë në fushë në përballjen kundër nënkampionëve të Italisë.
Grupi B kryesohet nga Liverpool me 12 pikë, më pas renditet Porto me pesë pikë, Atletico Madrid me 4, teksa Milani numëron vetëm një pikë.
