Përmbysje e çmendur ndaj Ballkanit, Llapi siguron suksesin e katërt radhazi
nga
Postuar ne
Llapi vazhdon formën e mirë sportive në kampionatin e Kosovës edhe kundër Ballkanit, kundërshtar të cilin e mposhti 4-1 në sfidën e luajtur në Podujeve.
Pesë golat e ndeshjes u realizuan në pjesën e dytë. Skuadra nga Suhareka kaloi në avantazh me anë Gripshit (60’), por Llapi nuk u përmbajt në 20 minutat e fundit të ndeshjes.
Firmino realizoi dy gola, teksa “pokeri” u kompletua nga rrjetat e Sadriut dhe Shabanit. Kjo ishte fitorja e katërt radhazi në kampionat për Llapin.
Triumfi i sotëm ngjit ekipin nga Podujeva në vend të katërt të kampionatit dardan me 21 pikë, ndërsa Ballkani renditet një pozicion më sipër me tre pikë më shumë.
