Shtyhet debutimi i Rangnick, nuk do të jetë në pankinë ndaj Arsenalit
nga
Postuar ne
Ralf Rangnick është trajneri i përzgjedhur nga drejtuesit e Manchester United për të drejtuar ekipin deri në fund të sezonit, megjithatë gjermani do të duhet të presë ende për debutimin në pankinën e “djajve të kuq”.
Pikërisht për mungesë të lejes së punës, tekniku 63-vjeçar gjerman do të shohë nga shkallët e tribunës super-ndeshjen e sotme ndaj Arsenalit në “Old Trafford”, ndërsa skuadrën në fushë do ta drejtojë sërish Michael Carrick.
Lajmi u komunikua nga vetë klubi i Manchester United, që sqaron se leja e punës për Rangnick ka mbërritur vetëm pasditen e sotme dhe se tekniku gjerman do të bëjë debutimin në pankinë të dielën në sfidën ndaj londinezëve të Crystal Palace.
