Shorti i 1/16-ave të Europa League, projektohen përballje të mëdha
Europa League uli siparin e fazës së grupeve të enjten në mbrëmje dhe tashmë vëmendja ka shkuar menjëherë nga faza e 1/16-ave aty ku do të përcaktohen 8 skuadrat e tjera që do t’u bashkohen 8 ekipeve që u renditën të parat në fazën e grupeve në raundin e 1/8-ave. Me formatin e ri 8 vendet e dyta do të shortohen në këtë raund me eliminim direkt me 8 ekipet e renditura të 3-at në grupet e Champions League. Europa Leagues së këtij edicioni i janë bashkuar emra të mëdhenj si Barcelona, Borussia Dortmund, Sevilla 6-herë fituese e këtij kompeticioni apo edhe Porto, Atalanta, Leipzig, Zenit e Sheriff Tiraspol të cilat ndodhen në të njëjtën vazo atë të jo favoriteve dhe do të përballen në 1/16-at me ekipet e renditura të dytat.
Në vazon e kokave të serisë janë gjithashtu emra të mëdhenj si Napoli, Lazio, Real Sociedad, Real Betis, Olympiacos, Sporting Braga apo edhe Rangers e Dinamo Zagreb. Në këtë raund nuk do të kemi përballje të skuadrave që vinë nga i njëjti shtetet kështu që probabiliteti i një përballjeje italo-spanjolle është i madh. Napoli i Rrahmanit dhe Lazio e Hysajt, Strakoshës dhe Muriqit rrezikojnë të gjejnë në short Barcelonën ose Sevillan apo e Borussian e Dortmundit e Lepizig që konsiderohen dhe si skuadrat favorite për t’i shkuar deri në fund këtij kompeticioni. Për Barcelonën 6 janë mundësitë në këtë raund duke parë që nuk mund të përballen me Real Sociedad dhe Real Betis. Në 1/16 duelet e mëdha nuk do të mungojnë me Europa League 2021-2022 që tashmë merr një tjetër dimension duke filluar që nga muaji shkurt, me spektaklin që parashikohet i garantuar në ekranin e Supersport.
Kokat e serisë
Betis
Rangers
Real Sociedad
Napoli
Olympiacos
Lazio
Sporting Braga
Dinamo Zagreb
Jo koka serie
Barcelona
Borussia Dortmund
Sheriff
Leipzig
Porto
Zenit
Sevilla
Atalanta
