Wanda Nara, në Argjentinë: Po shkoj të kërkoj China Suarezin …
Dy furgonë të mëdhenj, me xhama të zinj, pritën Wanda Narën në aeroportin e Buenos Airesit, të hënën pasdite. Përveç familjarëve, ishte edhe një grup i madh gazetarësh, të etur për të marrë ndonjë deklaratë pikante prej saj. Me të, edhe pesë fëmijët: Valentino, Constantino dhe Benedicto, të lindur nga martesa me Maxi Lopezin, dhe Francesca e Isabella, të lindura nga marrëdhënia me Mauro Icardi. Është hera e parë që Wanda rikthehet në Argjentinë që prej shpërthimit të skandalit të “China Suarez” dhe, pa dyshim, shumica e pyetjeve kanë qenë në këtë temë.
E rrethuar nga truproja, Wanda Nara theksoi se skandalet e këtij lloji janë shumë të zakonshme kur jeton me një futbollist. “Ndonjëherë këto situata ndodhin – pranoi ajo – Zakonisht ndodh me vajza të panjohura, por ndodh. Janë të shumtë ata që shkruajnë në Instagram.”
“Të shkruajnë edhe meshkujt?” ishte pyetja e një gazetari. “Jo, nuk u shkruaj të martuarve dhe as nuk u përgjigjem. Unë jam e martuar, kam një familje,” – tha ajo, duke hedhur një shigjetë për China Suarezin.”
Çfarë do të ndodhte nëse do të vinte China? Wanda e kapi shpejt lojën: “Po shkoj ta kërkoj …”. Para se të hipte në makinë, Wanda sqaroi të pranishmit se Icardi do t’i bashkohej pas disa ditësh, në Argjentinë.
