Largimi i katërt, Egnatia ndërpret bashkëpunimin me një mesfushor
nga
Postuar ne
Një tjetër lojtar është larguar nga Egnatia. Me anë të një postimi në faqen zyrtare, klubi i Abissnet Superiores ka lajmëruar ndërprerjen e bashkëpunimit me Glejdi Ndraxhin.
Mesfushori 23-vjeçar erdhi tek Egnatia në merkaton e verës nga Partizani B, por aventura në Rrogozhinë zgjati vetëm gjashtë muaj.
“Faleminderit Glejdi Ndraxhi. KF Egnatia njofton se ka ndërprerë kontratën me mesfushorin Glejdi Ndraxhi, i cili ishte pjesë e skuadrës në 6 muajt e fundit.
Stafi falënderon Ndraxhin për kontributin e dhënë duke i uruar suksese në karrierë”, shkruan Egnatia në rrjetet sociale.
Ndraxhi bëhet lojtari i katërt që largohet këto ditë nga skuadra e Zekerija Ramadanit, pas portierit Uros Djuric dhe sulmuesve Arsenio Valport e Chris Gadi.
