“Bajrami ishte afër Juventusit”, presidenti i qartë: E vështirë ta mbaj në qershor
Nedim Bajrami po zhvillon një sezon shumë të mirë me Empolin. 22-vjeçari tetovar numëron pesë gola dhe katër asiste në kampionat, teksa ka shënuar edhe tre gola në Kupën e Italisë.
Disa klube po interesohen për kartonin e tij. Sassuolo ofroi 10 milionë euro disa ditë më parë, por Empoli refuzoi shitjen e lojtarit të kombëtares shqiptare në merkaton e janarit.
GDS raporton se në garë për Bajramin janë futur edhe Napoli e Lazio. Edhe Interi po monitoron me kujdes rritjen e tij, teksa e përditshmja italiane zbulon se lojtari ofensiv ishte shumë afër kalimit te Juventusi në vitin 2019, përpara se të transferohej tek Empoli.
Ndërkohë, presidenti Fabrizio Corsi ka komentuar interesimin e madh të klubeve të tjera për Bajramin dhe Parisin. ”Të dy mund të luajnë në një skuadër të rëndësishme.
E di se do vuaj në qershor për t’i mbajtur në ekip. Një lojtar që është titullar prej 2-3 vitesh ka nevojë për pritshmëri dhe motivime të tjera, kështu që e shoh normale që të dy kanë marrë oferta të shumta”, deklaroi presidenti i Empolit.
Quiz: Premier League
Nëse jeni fans i futbollit anglez dhe ndiqni ndeshjet e tij, atëherë me siguri që do të dini edhe përgjigjet e quiz-it të mëposhtëm...
