Pogba ndryshon “kurs” dhe kërkon të qëndrojë me United, por ka një kusht për trajnerin Rangnick
Një ndër temat më të komentuara në Angli për të paktën dy sezonet e fundit ka qenë e ardhmja e Paul Pogba. Tashmë, mesfushori është futur në pesë muajt e fundit të kontratës me Djajtë e Kuq dhe kur mendohej se e kishte ndarë mendjen për t’u larguar me parametër zero nga anglezët, Pogba i ka ofruar drejtuesve të klubit një ide për ta pasur edhe shumë kohë në Old Trafford.
Kushti i francezit lidhet drejtpërdrejtë me trajnerin aktual të ekipit, Ralf Rangnick, për të cilin Pogba ka një konsideratë të lartë dhe nëse gjermani qëndron në krye të ekipit sezonin e ardhshëm, atëherë edhe ai do të diskutojë kontratën e re me United. Në fakt, 28-vjeçari nuk ka luajtur asnjë minutë nën drejtimin e Rangnick duke qenë se është i dëmtuar prej muajit nëntor dhe mund të rikthehet në fushë vetëm në mesin e muajit shkurt, megjithatë gjermani i ka lënë një shije të mirë teksa Pogba është i impresionuar me mënyrën si skuadra sillet në fushë.
Megjithatë, vlen të theksohet se marrëveshja e Rangnick me United është vetëm për këtë sezon dhe më pas ai do të marrë rolin e këshilltarit në klub, ndërsa mbetet për t’u parë nëse kjo kërkesë e Pogba mund të ndryshojë rrjedhën e situatave në klub.
Quiz: Gjeni lojtarët në foto…
Testoni njohuritë tuaja mbi lojtarët e Premier League...
