Në Francë e bëjnë fakt, Zidane merr vendin e Pochettinos
Aktualisht i lirë nga çdo kontratë, Zinedine Zidane, i cili ende ëndërron kombëtaren franceze, do të ishte gati të pranonte kreun e stolit të Paris Saint-Germain. Situata e Mauricio Pochettinos në pankinën e PSG është shumë e komplikuar, teksa “Le10sport.com” raporton se e ardhmja e teknikut argjentinas nuk është më një temë tabu brenda vendit.
Mes mungesës së konsistencës taktike dhe veçanërisht thashethemeve të shumta që e dërgojnë atë te Manchester United, Mauricio Pochettino nuk është më i paprekshëm në Paris, aq sa e ardhmja e ish-menaxherit të Tottenhamit duket se është tashmë e vulosur, pasi shanset që ai do të jetë ende në pankinën e PSG-së sezonin e ardhshëm janë pothuajse zero.
Duket se për ta zëvendësuar atë, del një emër i sigurt, Zinedine Zidane. I dyzuar prej kohësh për të kaluar te PSG-ja, ish-numri 10 i skuadrës franceze ka filluar të tundohet nga projekti Parizien.
Quiz/ Sa mirë e njihni Ligue 1?
