Klopp zbulon kur mund të luajnë për Liverpool dyshja Mane-Salah
Mohamed Salah është i disponueshëm për ndeshjen e Liverpool me Leicester City të enjten, por sulmuesi tjetër i “The Reds”, Sadio Mane nuk do të jetë, teksa feston fitimin e Kupës së Kombeve të Afrikës. Senegali i Mane mundi Egjiptin e Salah në penallti të dielën në Kamerun.
Salah është kthyer në Angli, por Mane do të kthehet të mërkurën mbrëma, pasi u lejua të shkojë në Senegal për të festuar trofeun e tyre të parë të madh.
“Gjëja e parë që më tha Mo ishte ‘Unë jam gati’. Ai është një lojtar me përvojë, ai është një përbindësh fizik. Ai bëri një seancë të vogël rikuperimi të martën dhe do të shohim se si do të ndihet të mërkurën,”-tha Jurgen Klopp në konferencën për mediat.
Për Mane, i cili shënoi goditjen e fitores, trajneri i Liverpool tha: “Ajo që bëri është bota për të, do të thotë bota për njerëzit e tij, do të thotë bota për Senegalin. Ne e respektojmë shumë këtë dhe nuk do ta konsideronim kurrë ta thërrasim atë nga atje. Le të festojnë në këtë moment sepse e meritojnë.”
Dyshja luajti për herë të fundit për Liverpool-in më 2 janar në barazimin 2-2 me Chelsean.
Klubi ka fituar dy ndeshje në ligë, dy ndeshje të FA Cup dhe ka mundur Arsenalin në dy ndeshje në gjysmëfinalen e Carabao Cup, ndërsa dy yjet ishin grumbulluar nga kombëtaret përkatëse.
Liverpool tani është i pajisur mirë në zonën e sulmit, me Salah duke u bashkuar me shokët e skuadrës si Roberto Firmino, Diogo Jota dhe Takumi Minamino, përveç nënshkrimit të ri, Luis Diaz, ndërsa Divock Origi është afër rikthimit pas duket se e ka kaluar lëndimin.
