Courtois paralamëron Realin: Kujdes! Chelsea mund të ndryshojë gjithçka me një gol
nga
Postuar ne
Pas fitores 1-3 ndaj Chelsea-t në “Stamford Bridge” për çerekfinalen e parë të Champions League, portieri i Real Madrid, Thibaut Courtois ka paralajmëruar shokët e skuadrës së tij se duhet të tregohen më të kujdesshëm në ndeshjen e kthimit.
Duke folur pas fitores, Courtois theksoi se vetëm një gol në takimin e radhës mund t’i rikthejë besimin Chelsea-t.
“Morëm një rezultat të mirë në një fushë të vështirë, duke e pozicionuar veten tonë mirë për ndeshjen e kthimit. Por ende nuk kemi arrirë në gjysmëfinale. Nuk kemi bërë ende asgjë, pasi një gol në minutat e para të takimit që do të luhet në Bernabeu mund t’i rikthejë energjinë dhe besimin Chelsea-t.”-theksoi gardiani për “Movistar TV”.
