Gurishta: E nisëm keq, por reaguam mirë; Mala: Besojmë te kualifikimi
nga
Postuar ne
Erdenis Gurishta dhe Esat Mala u ndalën para mikrofonit të DigitAlb, për të komentuar pjesën e parë të sfidës Vllaznia-Partizani, teksa që të dy u shprehën optimistë për kualifikimin në finale të Kupës së Shqipërisë.
“E kishim përgatitur ndryshe, por ai goli i shpejtë na prishi pak punë. Gjithsesi gjetëm forcat për të barazuar dhe besoj që duhet të vazhdojmë kështu për të arritur finalen”, u shpreh kapiteni i shkodranëve, Erdenis Gurishta.
“E nisëm shumë mirë dhe duhej të kishim shënuar edhe golin e dytë, por ishim të pafat. Më pas dihej që Vllaznia do hidhej në sulm. Duhet të vazhdojmë kështu, të luajmë me kujdes dhe të shfrytëzojmë rastet”, deklaroi Esat Mala.
