“Maldini akord me lojtarin e Kosovës”, SM: Spekulime, objektivi është një tjetër
Një anësor i djathtë është një nga objektivat e Milanit në merkaton e verës. Alessandro Florenzi ka mbyllur sezonin si pasojë e një dëmtimi, teksa Davide Calabria nuk mjafton.
Gazetari dardan, Arlind Sadiku shkruan në Twitter se 27-vjeçari i Torinos, klub me të cilin ka kontratë deri në 2024, është takuar me Paolo Maldinin, drejtorin teknik të kuqezinjve.
Legjenda e Milanit ka arritur akordin me lojtarin dardan (45 ndeshje dhe 2 gola me Kosovën) dhe së shpejti pritet t’i paraqesë një ofertë zyrtare klubit të Torinos.
Mergim Vojvoda agrees personal terms with Milan
My sources say that Vojvoda has met with Maldini and the 27-year-old has agreed to personal terms. Milan in the summer will send the official offer to Torino.#milan #vojvoda #calcio #mercato #seriea
— Arlind Sadiku (@arlindsadiku89) April 14, 2022
Vojvoda është pjesë e ekipit granata prej shtatorit të vitit 2020, duke u rikthyer në një titullar fiks tek ekipi i kroatit Ivan Juric.
Gjithsesi, SempreMilan.it shkruan se zërat e akordit të Vojvodës me Milanin janë akoma të paqarta, pasi klubi i famshëm italian preferon blerjen e plotë të Florenzit nga Roma.
