Legjenda Zidane me status të ri, djali i tij Enzo me lajm të ëmbël
Legjenda e futbollit, Zinedine Zidane, është bërë gjysh në moshën 49-vjeçare. Djali i tij futbollist, Enzo, dhe bashkëshortja e tij, Karen Goncalves, njoftuan ardhjen në jetë të vajzës së tyre.
Djali i madh 27-vjeçar i ikonës së Juventusit dhe Real Madridit, i cili dikur ishte pjesë e skuadrës së Real Madridit, ndau një foto të çiftit duke përqafuar fëmijën e tyre të porsalindur.
Mesfushori i Rodez, në Ligue 2 (Francë), Enzo Zidane, shkroi në Instagram: “Mirë se erdhe Sia, princesha jonë”.
Luca Zidane, i dyti i Zinedine, ishte mes futbollistëve që uruan çiftit për këtë gëzim të madh familjar. Portieri i skuadrës së La Ligës, Rayo Vallecano, ndau foto të Enzos dhe dy vëllezërve të tjerë të tij, Theo dhe Elyaz, duke buzëqeshur ndërsa takonin Sian në spital.
