Pochettino me valixhet gati, PSG piketon një emër të bujshëm për stolin
nga
Postuar ne
Jose Mourinho është duke u parë si zëvendësues i Mauricio Pochettinos te Paris Saint-Germain. Mediet italiane raportojnë se Pochettino nuk ka për ta përfunduar kontratën e tij në krye të parizienëve, e cila zgjat deri në verën e vitit 2023.
Si zëvendësues i mundshëm i tij po shihet Jose Mourinho i Romës. Portugezi kaloi një sezon të mirë te “verdhekuqtë” e Italisë, me të cilët fitoi edhe trofeun e parë të Conference League, pasi fitoi me rezultatin 1-0 finalen ndaj Feyenoord që u luajt në “Air Albania”.
59-vjeçari ka kontratë deri në verën e 2024-ës dhe duket disi e vështirë që ai të largohet nga Roma, pikërisht në një moment të tillë, por ajo që dihet është se kur bëhet fjalë për ta bindur me shifra PSG-në vështirë se ka klub që e kalon.
