Ajeti refuzon sërish Tiranën, firmos për 2 vite në Itali
Arlind Ajeti ka nisur një aventurë të re në Itali. Mbrojtësi i lindur në Zvicër, ka firmosur një kontratë 2-vjeçare me Pordenonen, ekip që nuk ia doli të qëndrojë në Serie B dhe sezonin e ri do të garojë në divizionin e tretë të futbollit italian.
28-vjeçari, autori i 20 ndeshjeve dhe një goli me kombëtaren shqiptare, ishte pjesë e Padovës në sezonin e fundit, duke regjistruar 22 ndeshje dhe një gol. Me Padovën arriti deri në duelet “play-off”, duke dështuar vetëm në finalen kundër Palermos për një biletë në Serie B.
Pordenone do të jetë skuadra e gjashtë italiane për lojtarin dardan, i cili më parë ka veshur fanellat e Torinos, Frosinones, Crotones, Reggianës dhe Padovës.
“Futbollist me aftësi të njohura mbrojtëse, strukturë të rëndësishme fizike, forcë të madhe dhe një përvojë prestigjioze ndërkombëtare”, cilësohet Ajeti nga klubi i ri.
Mbrojtësi i Kombëtares Shqiptare pati oferta edhe nga Tirana, por refuzoi për të dytin sezon bardheblutë dhe zgjodhi të qëndrojë në Itali.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
