De Ligt transferohet te Bayerni, zbulohen detajet e marrëveshjes me Juventusin
Mathijs De Ligt transferohet te Bayerni i Mynihut. Negociatat mes bavarezëve dhe Juventusit kanë nisur prej ditësh dhe duket se janë mbyllur me sukses mbrëmjen e sotme.
Drejtuesit e Bayernit janë ngritur ndjeshëm nga oferta e parë, duke kaluar nga 60 milionë, në 80 milionë bashkë me bonuset, ndërsa bardhezinjtë kanë ulur pretendimet fillestare prej 100 milionësh.
Burime pranë klubit gjerman raportojnë se tashmë nuk ka më asnjë dyshim mbi transferimin e holandezit te Bayern, tekaa vizitat mjekësore mund të kryhen që nesër, ose maksimumi të martën.
Vlen të theksohet se marrëveshja mea Bayernit dhe De Ligt ishte arritur prej ditësh, për një kontratë 5-vjeçare me pagë prej rreth 9 milionë eurosh në sezon dhe tashmë është arritur akordi edhe me Juventusin.
Merr fund kështu aventura italiane e De Ligt, që u transferua te Juventusi në verën e 2022-shit, për një shifër prej rreth 70 milionë eurosh, plus bonuset.
