“Nuk jam Lewandowski”, titullari i Bayernit refuzon Realin e Madridit
Leroy Sane është një nga objektivat e Real Madrid, por sulmuesi gjerman nuk ka ndërmend të largohet nga Bayern Munich, klub me të cilin ka edhe 3 vite kontratë.
Bild raporton se 26-vjeçari, për shërbimet e të cilit kampionët e Gjermanisë paguan 60 milinë euro te Manchester City në verën e vitit 2020, ua ka bërë të qartë agjentëve të tij se dëshiron të vijojë aventurën bavareze.
Sane nuk ia ka dalë të shfaqë gjithë potencialin e tij në këto dy vite me Bayernin, por ai beson se sezoni i ri do të jetë ndryshe për të në aspektin personal, por edhe për skuadrën.
Për sulmuesin e majtë ka interesim edhe nga Arsenali, klub që po shfaqet shumë aktiv në merkato, por Sane nuk ka ndërmend të ndjekë rrugën e Lewandowskit. Ai ndihet për mrekulli tek ekipi i Julian Nagelsmann.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
