“Fitoj gjithçka te PSG! Buffon më i forti, s’i harroj këshillat që më jepte kur ishim rivalë”
Gigio Donnarumma mbylli sezonin e parë në Ligue 1. Titullari i portës italiane fitoi titullin kampion me PSG-në, ndërkohë që në sezonin e ri kërkon të fitojë çdo trofe, sidomos atë të Champions League, që klubi francez nuk e ka fituar kurrë më parë.
“Jam shumë i emocionuar që jam pjesë e PSG-së. Ndihem shumë i lumtur këtu, dua të fitoj çdo trofe të mundshëm me këtë ekip, njësoj si gjithë shokët”, deklaron 23-vjeçari.
Më pas një koment për personin nga i cili merr shumë këshilla, i cili është njëkohësisht edhe idhulli i tij. “Buffon ka qenë gjithmonë idhulli im. Ai ka qenë dhe vazhdon të jetë më i forti.
Është italian dhe unë e kam idhull. Bisedoj shpesh me të, më jep gjithmonë këshilla shumë të rëndësishme, madje edhe rreth PSG-së.
Më jepte këshilla edhe kur ishte pjesë e kombëtares italiane bashkë me mua, e falënderoj nga zemra për një gjë të tillë”, theksoi ish-portieri i Milanit.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
