Ronaldo çfarë bën? La mitikun “Old Trafford” pa mbaruar ndeshja
Cristiano Ronaldo nuk qëndroi për të parë Manchester United në “Old Trafford”, pasi u zëvendësua, pasditen e së dielës në miqësoren parapërgatitore kundër Rayo Vallecanos. 37-vjeçari portugez, prej kohësh në qendër të zërave të merkatos, u pa të linte stadiumin para fundit të ndeshjes, siç dëshmon edhe një tifoz.
Personi në fjalë publikoi një foto të Cristiano Ronaldos teksa linte “Old Trafford” bashkë me dedikimin: “nuk priti as vërshëllimën finale”.
Ronaldo ishte i vetmi lojtar që u zëvendësua nga Erik Ten Hag në pushimin e ndeshjes së barazuar 1-1 me spanjollët. Në vend të tij u fut ish-futbollisti i Atalantës, Amad Diallo, që shënoi golin e vetëm për “Djajtë e Kuq”. Para se të niste ndeshje, tekniku holandez foli për mikrofonat e “Sky Sports” për formën fizike të 5 herë fituesit të Topit të Artë, duke u shprehur: “Sigurisht që nuk është në nivelin e skuadrës tonë aktuale, pasi ka humbur shumë javë, ka nevojë për ndeshje dhe mbi të gjitha për shumë stërvitje”.
