Surprizon Pjanic/ Rikthehet në Serie A, por jo tek Juventus
Pasi përfundoi huazimin në Turqi në radhët e Besiktas, Miralem Pjanic është rikthyer te Barcelona. Mirëpo, vështirë se trajneri Xavi Hernandes do t’i besojë boshnjakut për sezonin e ardhshëm teksa pritet që mesfushori sërish të largohet nëpërmjet formulës së huazimit. Së fundmi, ishte përfolur edhe për një rikthim të Pjanic te Juventus, ku trajneri Massimilliano Allegri e pret krahëhapur duke qenë se e njeh mirë futbollistin.
Mirëpo, nga Spanja, siç raporton fichajes. Net, Pjanic ka si alternativë në Serie A jo vetëm Juventusin, por edhe tre destinacione të tjera.
Fjala është për klube si Fiorentina, Milan dhe Napoli të cilat monitorojnë situatën e mesfushorit. Në fakt, Barcelona do të preferonte ta shiste përfundimisht Pjanic për të përmirësuar situatën financiare, por vështirë se italianët do të paguajnë për lojtarin.
