“Mos ia dhuroni Juves”, në Spanjë kundër largimit të Moratës nga Atletico
Alvaro Morata bëri fare pak gjëra të bukura në sezonin e fundit te Juventusit, ndërkohë që dje realizoi tre gola ndaj ish-skuadrës së tij duke i dhuruar Atletico Madrid suksesin 4-0 në miqësoren e luksit.
Trajneri Max Allegri e do sërish në skuadër, edhe pse tifozët e bardhezinjve janë lodhur dhe nuk e preferojnë më sulmuesin spanjoll në skuadrën e tyre të zemrës.
Klubet po bisedojnë për rikthimin e 29-vjeçarit, por mediet iberike i bëjnë thirrje drejtuesve “Colchoneros” të mos e bëjnë këtë gabim, por të mbajnë Moratën në La Liga.
“Mos ia dhuroni Moratën Juventusin”, shkruajnë Marca dhe AS. Juventusi ka gati rreth 15 milionë euro për sulmuesin, por Atletico kërkon më shumë për ta lënë të lirë.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
