VIDEO/ Mrekulli e Alabës, Reali fiton me përmbysje në ndeshjen e parë
Reali i Madridit e nis sezoni me një fitore 1-2 me përmbysje, në transfertën ndaj skuadrës së ngjitur rishtazi në La Liga, Almerias.
Këta të fundit formuan “pasillon” e famshme, duke duartrokitur Realin që fitoi Superkupën e Europës vetëm pak ditë më parë, por më pas i ndëshkuan Los Blancos me anë të Ramazanit që në minutën e 6’.
Ky gol zgjoi madrilenët, që u hodhën në sulm për të gjetur golin e barazimit, por ndonëse u luajt vetëm në gjysmëfushën e Almerias, pjesa e parë u mbyll me avantazhin e vendasve 1-0.
Baraspesha do të rikthehej vetëm në minutën e 61-të, kur Lucas Vasquez shfrytëzoi një pasim të Benzema, për të dërguar topin në rrjetë, ndërsa Reali nuk i ndali sulmet për gjetjen e golit të dytë.
Në minutën e 74-t Ancelotti hodhi në fushë David Alabën, i cili pak sekonda më vonë ekzekutoi në mënyrë perfekte një goditje dënimi dhe dërgoi topin në trekëndësh, duke i dhënë avantazhin Realit të Madridit.
Deri në fund rezultati mbeti i pandryshuar, pavarësisht tentativave të Almerias për të shmangur humbjen, teksa Reali konfirmon se mbetet skuadra për t’u mposhtur edhe këtë sezon.
