“Një javë në futboll sa 10 vite jetë”, Klopp: Po sikur t’ju pushojnë nga puna në ditën e parë?!
Presioni është i madh në futboll, sidomos nëse klubi ka shpenzuar miliona për shërbimet e tua. Kështu po ndodh edhe me dyshen Darwin Nunez-Erling Haaland, të cilët janë përballur me kritikat e para në ishull.
Liverpool dhe Manchester City “hapën thesin” për dy sulmuesit e rinj, të cilët duhet të mësohen me pritshmëritë e larta dhe shpeshherë edhe me kritikat për performancat e tyre.
Gjermani Jurgen Klopp u ka dalë në mbrojtje. “Është çmenduri fakti që i gjykojmë të tjerët kaq shpejt. Imagjinoni dikë që të thotë: ‘Dita e parë e punës nuk funksionoi, nuk shkoi siç duhej.
Shko në shtëpi dhe mos u duk më, pasi nuk ka shanse të dyta‘. Nunez është një sulmues me karakteristika të ndryshme nga ata që kemi. Është shumë i fortë fizikisht dhe ka një teknikë të mirë.
Ai po përshtatet dhe ne do e ndihmojmë të përmirësohet. Haaland? Mposhtëm Manchester City përpara fillimit të kampionatit dhe njerëzit prisnin që ai të shënonte.
Një javë në futboll është sa dhjetë vite jetë… ”, deklaroi trajneri i Liverpoolit, klub që investoi 100 milionë euro për të transferuar 23-vjeçarin në “Anfield”.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
