Zbulohet arsyeja pas çorapeve të grisuara të talentit anglez, e “kopjon” edhe Saka
Dortmund triumfoi në ndeshjen e fundit të Bundesliga teksa triumfoi në shtëpi me rezultatin 1-0, ndaj Hoffenheim. Golin vendimtar për verdhezinjtë e realizoi Marco Reus teksa në momentin kur Dortmund festoi golin, ra në sy edhe modeli i çorapeve të Jude Bellingham.
Ato ishin të grisura në pjesën e pasme dhe tifozët e gjermanëve menjëherë u shqetësuan nëse diçka e tillë ishte bërë prej ndërhyrjeve të lojtarëve kundërshtarë. Megjithatë, ky model i çuditshëm në fakt ishte një zgjidhje e vetë fantazistit anglez, teksa çorapet e grisura në pjesën e pasme lirojnë tensionin në fundin e këmbës dhe në këtë formë, ulet rrisku i një dëmtimi.
Në fakt, diçka e tillë nuk është një sekret dhe Bellingham nuk është i vetmi që e aplikon, pasi edhe Bukayo Saka i Arsenal shpesh zbret në fushë me çorapet e grisura si një mënyrë për të mos ushtruar tepër presion në pulpa.
