I ishte vonuar viza, Kukësi zyrtarizon mesfushorin afrikan, afrimin e fundit të verës
E ka hedhur firmën në kontratë ende pa u mbyllur merkatoja e verës, por për arsye burokratike nuk ka mundur të jetë i pranishëm në skuadrën verilindore për më shumë se një muaj. Kukësi me në fund ka zyrtarizuar marrëveshjen me lojtarin 23-vjeçar nga Mauritaia, Abdou M’Bark El Id. I gjatë 1.89 metra, ai luan në rolin e mesfushorit, teksa është grumbulluar edhe me përfaqësuesen e vendit të tij.
Njoftimi i Kukësit:
“Futboll Klub Kukësi njofton se mesfushori Abdou M’Bark El Id është zyrtarisht futbollist i skuadrës sonë! Futbollisti 23-vjeçar ka zyrtarizuar firmën ditën e sotme deri në verën e vitit 2025, duke u bërë kështu futbollisti më i ri në skuadër.
Mesfushori nga Maurtiania ka firmosur me ekipin tonë në merkaton e verës, por vonesat me vizën kanë bërë që futbollisti të bashkohet me vonesë me ekipin. M’Bark është aktivizuar me ekipe si Concorde dhe Nuadhibou në kampionatin e tij dhe ne Numancia B në Spanjë.
Klubi i Kukësit i uron mirëseardhje mesfushorit M’Bark dhe shumë suksese me fanellën e skuadrës sonë. Welcome Filip!”
Skeda e Lojtarit:
Emri: Abdou M’Bark El Id
Mosha: 23 vjeç
Kombësia: Mauritania
Gjatësia: 1.89 m
Pozicioni: Mesfushor
