Cana: Europiani dhe fitorja me Geqinë, të paharrueshëm
Lorik Cana ishte i ftuari vecantë i Supersport në një lidhje direkte nga “Loro Borici”, ku foli për karrierën e tij para se t’i jepte zyrtarisht lamtumirë futbollit. Ish-kapiteni legjendar i Kombëtares Shqiptare sqaroi se marrëdhëniet e tij me tifozët kuqezi mbeten të shkëlqyera pavarësisht se ky tifogrup nuk ishte i pranishëm në stadium.
Raporti që kam me tifozët kuqezi që nga sezoni 2004-2005 është i jashtëzakonshëm. Atë punë që ne lojtarët e bënim në fushë, ata arritën ta bënin me tifozët nga të gjitha trojet tona. Më vjen keq që nuk janë këtu për t’i përshëndetur, por kjo absolutisht nuk ndikon në raportet tona, pasi unë do të mbetem një tifoz kuqezi.
Cili është pengu më i madh i Canës me fanellën kuqezi?
Janë dy momente: ndeshja në Europian me Francën, që e humbëm në një vend ku jam rritur, dhe moskualifikimi në “Brazil 2014”, sepse kishim shanse reale.
Sigurisht ato që të mbeten në kujtesë janë momentet e bukura, të cilat Loriku i ka patur të shumta në kombëtare.
Momenti më i bukur ishte fitorja me Greqinë, më pas kualifikimi në Europian dhe fitorja përballë Rumanisë në evenimentin në Francë. Trajner? Nuk mund të them që s’do të bëhem kurrë, por nuk jam drejtuar në këtë aspekt.
