Në shkallë spektakël, në fushë mungojnë golat
Skënderbeu zhvillon një ndeshje të shkëlqyer në ‘Elbasan Arena’, në një atmosferë fantastike të krijuar në shkallët e stadiumit, por nuk arrin dot të dërgojë topin në rrjetë. Korçarët dëshmuan edhe një herë se nuk kanë arritur kot deri këtu dhe se munden të përballen si të barabartë me kundërshtarë të këtij niveli.
Ndeshja filloi mjaft mirë për Skënderbeun, që vuri nën presion kundërshtarët, por nuk arriti të kërcënojë rrezikshëm portën e tyre.
Pjesa e parë u karakterizua nga entuziazmi i korçarëve, por që nuk arritën t’i afrohen rrezikshëm portës së serbëve. Mundësinë më të mirë e pati Adeneyi, por shpërdoroi në tentativën për të dribluar një kundërshtar. Nga ana tjetër, serbët mbroheshin mirë dhe bënin presing, duke u munduar të dalin në kundërsulme të rrezikshme. Duhet theksuar se Skënderbeu bëri edhe një zëvendësim, pasi Radas nuk mundi të vijojë më tej lojën, dhe i la vendin Fidan Alitit, në minutën e 32-të.
Pjesa e dytë foli tërësisht për Skënderbeun, që luajti me mjaft grintë dhe krijoi disa mundësi shënimi. Vlen të theksohet edhe mbështetja e jashtëzakonshme e publikut, që gjeneronte forcë te futbollistët korçarë. Djemtë e Ilir Dajës patën disa raste të mira me Sowe, Lilajn dhe Alitin, të cilët nuk ia dolën të gjejnë rrjetën. Nga ana tjetër, serbët tentuan disa herë të dalin me kundërsulme, por nuk arritën të vënë në provë aftësitë e portierit Shehi, deri në minutat e fundit, kur durrsaku shpëton dy herë portën, nga gola të sigurt. Në minutat shtesë krijohet një tension i panevojshëm nga ana e serbëve, që kalohet me ndëshkim me kartonë të verdhë, nga ana e kryesorit polak.
Ndonëse dy skuadrat morën vetëm nga një pikë në këtë takim, barazimi në Kiev mes Dinamos vendase dhe Young Boys-it, la gjithçka të hapur sa i përket llogarive të kualifikimit, në grupin B.
80′ – Skënderbeu kryen zëvendësimin e dytë. Largohet Bruno Dita, për t’i bërë vend Donjet Shkodrës.
66′ – Sabien Lilaj godet rrezikshëm nga distanca, por topi shkon ngjitur me shtyllën. Korçarët vijojnë të kërkojnë golin, të nxitur edhe nga mbështetja e jashtëzakonshme e tifozërisë.
53′ – Dy mundësi të mira për Skënderbeun, por korçarët nuk arrijnë të gjejnë rrjetëm, me Sowe dhe Alitin
– Përfundon pjesa e parë, e cila u karakterizua nga entuziazmi i korçarëve, por që nuk arritën t’i afrohen rrezikshëm portës së serbëve. Mundësinë më të mirë e pati Adeneyi, por shpërdoroi në tentativën për të dribluar një kundërshtar. Nga ana tjetër, serbët mbroheshin mirë dhe bënin presing, duke u munduar të dalin në kundërsulme të rrezikshme. Duhet theksuar se Skënderbeu bëri edhe një zëvendësim, pasi Radas nuk mundi të vijojë më tej lojën, dhe i la vendin Fidan Alitit, në minutën e 32-të.
32′ – Mbrojtësai kroat i Skënderbeut, Marko Radas është i pafat, pasi detyrohet të lerë fushën e lojës. Në vend të tij aktivizohet Aliti.
10′ – Minuta entuziaste për korçarët, por pa rrezikshmërinë e duhur.
21:05 – Ka startuar takimi mes Skçnderbeut dhe Partizanit të Beogradit.
20:45 – Skuadrat vijojnë nxehjen e zakonshme, ndërsa shkallët e stadiumit kanë filluar të mbushen. Gjithsesi, 20 minuta para startit, ka ende shumë tifozë që janë jashtë stadiumit, duke pritur në radhë.
20:05 – Publikohen formacionet zyrtare të të dyja ekipeve. Skuadrat bëhen gati të dalin në nxemje.
Skënderbeu: Shehi; Mici, JASHANICA, Radas, Vangjeli, Lilaj, Muzaka, Dita, Taku, Adeniyi, Sowe
Partizani i Beogradit: Stojkoviç; Tawamba, Vuliçeviç, Tosiç, Jankoviç, Soumah, Jevtoviç, Bilher, Miletiç, Mitroviç, Miletiç
20:00 – Radhë të gjata dhe kontrolle të rrepta, para hyrjes në stadium. Tifozët vijojnë të brohorasin ‘Kush s’kërcen, nuk është shqiptar’, ndërsa presin në radhë. Vihet re se, edhe pse luan Skënderbeu, në veshjet e tifozëve dominojnë ngjyrat kuqezi.
19:00 – Gjithçka gati në dhomën e zhveshjes të skuadrës korçare. Të dy skuadrat kanë mbërritur në ‘Elbasan Arena’.
18:00 – Skuadra e Skënderbeut ka mbërritur në Elbasan dhe po i drejtohet stadiumit ‘Elbasan Arena’.
17:30 – Tifozë të shumtë vijojnë të qendrojnë në radhë për të blerë bileta, kur kanë mbetur më pak se 4 orë nga fillimi i sfidës. Ndërkohë janë hapur edhe dyert e ‘Elbasan Arenës’ dhe kanë filluar të futen tifozët e parë.
