Ajdareviç: I kënaqur që jam pjesë e Shqipërisë
Kombëtarja shqiptare vijon përgatitjet në kuadër të ndeshjes miqësore me Turqinë, ndërsa sot ka folur për mediat, mesfushori i thirrur për herë të parë nga Panucci, Astrit Ajdareviç. Ai është shprehur i kënaqur dhe krenar për zgjedhjen e bërë, teksa ka theksuar se ndihet tërësisht shqiptar.
“Krenar për zgjedhjen kuqezi dhe i gatshëm për të dhënë gjithçka për kombëtaren shqiptare. Jam i kënaqur, kam pritur disa vite. Jo vetëm për mua, por edhe për familjen. Do të jap gjithçka. Kam luajtur me Suedinë dhe kam qenë edhe kapiten. E kam pasur pak të vështirë sepse jam rritur në Suedi, por ndjehem shqiptar, e dinë të gjithë”, tha mesfushori që luan me AEK-un e Athinës.
Mesfushori Ajdareviç tregoi se është pritur mjaft mirë nga shokët e skuadrës, ndërsa theksoi se nuk i trembet konkurrencës dhe është në dispozicion të trajnerit.
“Djemtë e ekipit më pritën shumë mirë. Janë të gjithë djem dhe futbollistë të mirë. Ka konkurrencë në çdo repart, por kjo nuk është diçka e re për mua, sepse jam profesionist. Unë jam në dispozicion të trajnerit dhe shpresoj që të ketë disa minuta për mua, në sfidën ndaj Turqisë.
