Balotelli njofton rikthimin në Itali: Ja ku do të doja të luaja
nga
Postuar ne
Mario Balotelli ka njoftuar se në fund të sezonit do të rikthehet të luajë në Itali, në Serinë A, duke konfirmuar kështu largimin nga francezët e Nices.
“Sezonin e ardhshëm do të jem në Serinë A. Me këtë çështje po merret Mino Raiola, ndërsa unë di të them se tashmë jam më i pjekur dhe i gatshëm për të treguar vlerat e mia në fushë”, tha sulmuesi.
Balotelli është një tifoz i deklaruar I Milanis, por mohoi një rikthim te kuqezinjtë, ndërsa nuk ngurroi të shprehë edhe preferencat, se ku do të donte të vijonte karrierën.
“Të rikthehem te Milani? Do të ishte hera e 3-të dhe nuk dua të ndodhë. Preferoj Napolin ose Juven, por gjithsesi, të shohim”, u shpreh Mario Balotelli.
