Bano jep dorëheqjen: Jam i zhgënjyer
Trajneri lushnjar është shfaqur mjaft i zhgënjyer me ndëshjen e zhvilluar nga skuadra e tij në ndeshjen ndaj Laçit, teksa pranon se miqtë e merituan fitoren për vetë angazhimin që shfaqën në fushën e lojës.
“Jam shumë i mërzitur për mënyrën se si luajtëm dhe zhgënjyem tifozët tanë. Nuk fituam asnjë dyluftim dhe patëm shthurje taktike në momente të caktuara. Laçi meritoi gjithçka, sepse dhanë maksimumin dhe u angazhuan fort, ndaj i uroj suksese”, tha trajneri lushnjar.
Artan Bano u shpreh i zhgënjyer edhe me mbështetjen nga ana e Bashkisë, ndërsa deklaroi edhe dorëheqjen e tij nga pankina lushnjare, direkt për Supersport.
“E ndiej që mungon angazhimi dhe mbështetja. Ndoshta unë nuk jam I duhuri për të drejtuar skuadrën, kështu që do të largohem për t’i hapur rrugë ndonjë tjetri, që mund ta bëjë më mirë këtë punë”, tha Artan Bano.
